訂外勞稅退場制

殿堂質詢，告一段落，焦點入外勞，財爺被質詢，兩邊不討好，「入勞」或「截勞」，兩邊皆壓力，財爺「似家嫂」。阿茂有建議，不如學「鬼佬」，調升「外勞稅」，收入補「內勞」。設好「退場制」，執法更嚴明，難題解決好。若是入「外官」，本地官易管。

關於入「外勞」，勞、資雙方，理據都可數，「老細」嘅理據，澳門嘅經濟，未來多睇好，需要勞工數，「猛生」唔夠數，若經濟發展，肯定入外勞。勞怕「冇工做」，工資唔會「好」，「鵲巢」被「鳩佔」。本地工難做。

官家兩邊睇，既順應「老細」，又對「勞」安慰，官會搞平衡，既發展經濟，雖然入外勞，唔搶「本地位」，誓神又劈願，大聲「拍心口」，細聲「咬耳仔」。

可惜勞工界，與眾大議員，多疑心怕「鬼」，出現這局面，當然好合理，更加符合情，因眾大老爺，過去嘅誓願，每多好「難睇」，「支票多空頭」，信用太失「威」。

若要挽信用，不如學外「鬼」，歐美先進國，對於入外勞，每多立明法，規限頗嚴厲，除高外勞稅，更訂退場制，所征外勞稅，比外勞工資，甚至以倍計，收稅之利益，補貼本地工，兼壓通脹勢，務令入外勞，不損「本地位」。若經濟不景，外勞即「返歸」，外勞之作用，只促進經濟，不爭『本地米』。

至於本地勞，擔心大老爺，做事常不濟，「雞手與鴨腳」，眼高又手低，這更容易辦，若本地官不成，即入外地官，脅迫其振作，庸官醒覺來，做嘢唔失禮，此一槓捍法，鋸樹用「刀仔」！

‧阿茂‧