由劉翔退役說起 --剎那芳華成就永恆

劉翔日前對外公佈退出他熱愛嘅田徑賽場，引來坊間一片熱議。昨日在食肆就餐見到幾個人係度傾談，一個話他搞田徑就專心搞田徑啦，做乜和商業性質走得咁密切啊；一個又話一早就應該落去啦，08北京奧運冇跑就『落荒而逃』，叫他『劉跑跑』一點都唔過分；亦有中肯話他係我地華人嘅驕傲，試問邊個有他咁勁跑快過啲黑人…… 一般運動員退役都默默無名就此過去，唯獨劉翔為何咁多嘢講呢？無他，就係因為04年他成為奧運歷史上中國第一塊男子田徑金牌得主；07年成為集奧運冠軍、世界冠軍、世界紀錄保持者於一身嘅大滿貫運動員；更因為在08年北京奧運會預賽中因傷半途退出。『從今天起，我將結束我的職業運動生涯，正式退役。這是自己反復深思熟慮，最終做出的決定。雖然不捨，雖然痛苦，但我別無選擇。』我想這段話對劉翔而言是深刻嘅，對每一個已經退役或者面臨退役嘅運動員而言，是無奈亦是必然。運動員生涯短暫，不像教授學者研究員一樣年紀越大越吃香，運動場上嘅運動員都是吃『青春飯』，今年運動場上嘅風光不能代表明年還能如此風光！眾所周知，運動員是完全靠著體力支持自己嘅運動生涯，而在這個過程裡頭，因為訓練過程受傷更是家常便飯。

劉翔呢次真嘅退役了，在世界田徑賽道上，再也見不到他騰飛嘅樣子，在這個項目上中國人再次陷入平靜。不管目前有後繼嘅謝文俊還是百米張蓓萌，他們也只是盡最大努力擠進世界大賽嘅決賽，想擁有劉翔嘅風光就只有拭目以待。話說開來，運動員到最後嘅選擇是退出賽場，而如何讓這些曾經為國家為地區付出青春所爭奪到榮譽嘅人得到好嘅未來，這是我們政府以及每個社會責任團體需要考慮嘅問題。

崔世安: 退役保障最重要

行政長官崔世安在04年就講過，為精英運動員提供退役保障最重要，未來會加大力量支援教練員。在今年嘅施政方針中，他同樣以『牙齒當金使』講到做到，特別指出為配合競技體育嘅發展，推動運動員及裁判員嘅培訓工作，著力當局培育更多後備力量，讓競技體育得以持續發展。體育發展局已經不遺餘力地去執行該項措施，有計劃地去實施落實相關政策。 相對於實行全職制度嘅國家或者地區相比，本澳嘅體育競技水平仍有很大距離。有見及此，本澳體發局早年已經著手培養自己嘅教練員，加上當局認識到退役運動員未來嘅職業計劃結合教練工作嘅培養，與國際間嘅交流及開設相關培養課程，為他們嘅未來打落一支『定心針』，相信將來很多澳門父母亦願意將自己嘅孩子送來培養成為職業運動員。對於運動員而言，短暫嘅運動生涯可以說是剎那芳華成就永恆。退役後身體器官嘅發病率略高於一般人，在相對較為業餘性質嘅澳門，他們退役後嘅職業生涯規劃以及退休保障，成為他們是否能安心為澳門體育作出終身貢獻。

政府在行動，各個體育總會亦響應政府嘅施政方針，加強培訓著力提高本澳體育競技水平，希望更多嘅父母在面對孩子將體育作為自己嘅職業選擇嘅時候，而唔系對孩子『SAY NO』。體育運動員作為一種職業，希望在不遠嘅將來，運動員靠食『青春飯』嘅說法，可以成為一個傳說。

本報記者: 由天