蓮花地特色

運輸基建辦，新主任上場。這個「三剎」位，做過都「閉翳」。過去多「高手」，「捱」到「病」咁口，非因工作「難」，難頂「老君」玩，此蓮花「特色」，令大工程，瓜直」！

新主任老何，人多稱祺哥，年少亦有為，做事識大體。今掌「運建辦」，本來並不難，按章來辦事，萬難應付之！

可是蓮花地，就與別不同，本來平凡事，經高人「發功」，簡單一少事，變化可無窮。若然非「高手」，做到「病咁口」。過去十多年，更有多「高手」，初做好地地，後來幾「捱死」，保命「捨」高位，返歸做「散仔」。

點解咁出奇！？那便看歷史，過去十多年，蓮花地若搞，驚天「大坡席」，建橋、「大個旦」，每每問題多，唔係偷減料，就係豆付渣，既是工期延，再者價正漲，最後之結果，既賠了「夫人」，換來「垃圾」一大籮。

局外人會問，點解咁混帳！唔通蓮花官，個個都係「傻」！？當然並不是，如今蓮花地，官能坐高位，多像「醒目仔」，醒目仔掌舵，點解多「喎呵」？！自然有原因，主角係「老君」！「老君」係誰人？當非屬閒等，名氣響噹噹，位高勢堂皇，長袖又善舞，關係藤帶瓜，與高人有「親」，又係知名人！

一日「老君」在，胃口闊如海，凡事「關照」過，必上下其手，任何「大坡席」，價質必大改，若老君「發功」，結果大不同，云云官老爺，豈敢招惹「君」，若順得「君」情，必失蟻民意，結果「一鑊泡」，輿情發嚕蘇，左右做官難，中官「捱」到「散」，「病」到澇七傷，蹣跚離官場，或回巢「病」養。歷年多實例，張眼好易睇。

如今何主任，受命於臨危，認真「唔話得」，但願運亨通，頂老君「發功」！

阿茂