一波未平一波又起

蓮花祠堂，再度「面黃」，堂堂尊者，專門批示，被指「徇私」，雖兩兄弟，分別「誓神」，又作解話，依然引起，私語不斷，只嘆有人，「懵到入心」，一再犯錯，只求上帝，打救「福人」。

蓮花祠堂，近呢一排，百業不旺，唯有是非，頻頻上榜。較早之前，有轎衙門及干淨衙，被篤數公，指名道姓，亂咁批錢，去做「研究」，更離譜係，唔駛公開，各自競投，大量公帑，專送私囊，罵到兩衙，狗血淋頭，聲聲作態，話會面壁，「思過」咁話!

呢兩單嘢，係公僕中，泛起波瀾，竊竊私語，交頭接耳，有人笑嘻嘻，有人甜茲茲，亦有慈悲者，倘開佛心腸，為兩衙開檔，補求上蒼，網開兩衙，機會一趟。

未知是「麻木不仁」，還是存心頂摃，一波未平，一波又起，卜卜齋衙門，近日被人挑，該衙之「寶書」，竟然指定人，專批為「夫子」，大拿拿，百萬兩，為公帑，送給「科技幫」，請其刻竹簡，俾莘莘學子，作為「紅寶書」。

本來請夫子，向來好閒事，誰知「科技幫」，坐館嘅「幫主」，「巧合」為「候爺」。若從正道想，「候爺」其本人，為謙謙君子，為人亦正派，學養天下知，花旗大學士，奉公亦多年，往績少暇疵，無需去懷疑。

卻「撞板」的是，批文之大人，為蓮花導者，與「幫主」身份，竟為兄、弟親，更屬內宦臣，且蓮花尊者，剛在年多前，因「離譜」單野，搞到全城罵，更被過萬人，圍罵到殿堂，罵到失哂暈，雖急忙認錯，避過劫一勻，「冇面」到唔恨。

經過這一「劫」，本觸目驚心，好檢討教訓，從中取經驗，儘快改「自身」，可惜吾「上腦」，時隔並不久，避瓜田李下，利益避致親，「無端」再惹「禍」，責難又上身!

雖然兩方人，解釋又「誓神」，好話講到盡，低聲又「耍冧」!表演做「出神」，唯坊間私語，尊者又失分。

自古有名言，人聰明、蠢笨，分別在用心，成長之歷練，捱得苦中苦，方為人上人，所為「二世祖」，自少靠福蔭，未嚐過挫折，雖然當大任，還是「老天真」!愚朦幼稚腦，常令人遺憾!

‧阿茂‧