控煙‧私煙

明天開始，又新嘅一年，蓮花地，又嚟歷史性行動，就喺『禁煙』。不過，今次禁煙，同百幾年前林則徐操刀嘅唔同雖然此『煙』不同彼『煙』，林公『楂弗』，雷勵風行，打倒啲鬼佬雞飛狗走。蓮花地今次，雷聲大，睇真啲，好似又喺搞笑。 點解，又蓮花祠堂嘅痼疾；各個『山頭』，各自為政，互不配合，口硬手軟，漏洞多多，最後效果，又似做騷。 今次禁煙，最落力者，『保命』衙門，唔單止到打鑼，勸啲父老，唔好食煙，為己利人，搞好氣氛，又殺出一批禁煙捕快，扮到好似殺手噶款，實行唔打得都睇得，到處『嚇人』。令普通煙民』心驚，心軟兼心痛，進而斷癮。 另一邊廂，財神衙門，又出啲皇榜，加收銀兩，令煙價上漲，希望令煙民因『肉痛』，而『忍痛』戒煙，但所加銀兩，出手力度，則冇保命衙門『咁狼』，好似隔華瘙癢。實際效果，令人不敢『奢望』。 更不濟者，就係入口煙皇榜，出手不強，可讓水客明目張膽，公然帶私煙，拱北那邊廂，免稅煙甚平，購買兼攜帶，兩者皆方便，讓『邊境貿易，大為興旺。唔似桂枝埠，狠力，加銀兩，兼且改皇榜，杜絕水客婆，大量帶私煙。 同一祠堂，多個衙門，各自為政，互相不配合，令禁煙效果，大打折扣，這個現象，亦是蓮花祠堂，向來施政，『光榮傳統』。 無論如何，蟻民期望，禁煙行動，能有所成，禁煙成功，但是，口中煙禁絕，路面車污煙，那又如何！？ ‧阿茂‧