三八節有感

禽日「三‧八」婦女節，阿茂晨早打開時聞紙，學人「八」一吓，點知一眼就睇到，兩條頭條大時聞，都同婦女有關，一條系靚妹仔，人細鬼大，一對二情郎，十五歲，搞到珠胎暗結。另一單多情女遇負心人，賤情郎勒索，就係因為張鹹濕相。認真應節。

阿茂仰天長嘆！今日蓮花地啲女仔，真係唔同晒，認真豪放前衛，時髦啲嘅話係好「煙」。同阿茂媽後生陣時唔同，阿茂細個時，成日聽阿媽教家姐同阿妹，做女仔，最緊要係知書識禮，三從四德，守身如玉，堅保貞潔，所以，係嗰個年代，好多女仔改名叫阿「貞」。事實上，佢哋好多亦貞潔過聖女貞德。

阿茂咁講，依家當然俾好多人鬧係「傻」嘅，直情「勾」到唔恨。不過，依家的靚妹仔，當然係好豪，做呢家嘢好似食即食麵咁爽快，仲唔知點解，嚟完家伙，仲好鍾意影番輯寫真留念，慌死將來人哋睇唔到咁。唔知係心理變態還是係過份自愛，係睇阿沙同陳冠Ａ單嘢就知！

當然，阿茂都唔係傻得晒，係現今呢個世界，衣食豐足，自然飽暖思淫慾，血氣噴火嘅後生仔女，飲飽食醉，得閒尋樂趣，上網ＱＱ，好快連非洲嘅黑鬼都認係老友，若果大家都想入非非 ，閃電就攪埋一堆。正如孔夫子話齋：「食、色、性也」。若果家人同師友教慢一Ｄ，好快就搞出新生代，手尾長嘞！

當然，叫依家的豪妹學聖女貞德，重難過教豬乸爬樹，不如實際啲，學學番邦鬼子佬啲卜卜齋，係學校教多啲「計生課程」。等啲後生「進退有據」，重要派多啲「袋袋」同「丸仔」，更加要做好事後應急服務，咁就能做到疏導激情，又唔怕亂性！更加避免增加社會災難，你睇，法國妹咁豪放，近百年來，法國人口，增加不多，就係好好嘅「板」嘞！

正所謂發乎情、止乎禮，禮教與「道具」，軟、硬都配齊，受教者稱善，亂性者不啼。

‧阿茂‧