枯木逢春‧鑼鼓再響

坊間提倡議，增設博物館，清平大戲院，可建粵劇園，既可榮粵劇，又可拓旅遊。豐富文娛活動，近日喜訊傳，清平有望重生。

這真是一個好消息！不單可以「枯木還春」，對粵劇迷，可說是「久旱逢甘露」，對蓮花傳統文化，又可豐林長出新芽。對發展旅遊，「產業多元化」。又是美點生輝，再現「任劍輝」，重響「帝女花」。

講起粵劇，阿茂又流出耳油，細路仔，掹衫尾，入戲棚，睇得津津有味，講到色起眉飛，不覺又半個世紀。

清平大戲院，半個世紀前，好戲演不完。聽阿茂爺同茂嫲講，民初嗰陣，清平直街，福隆新街一帶，認真「架勢」。不論達官貴人，抑或江湖大盜，甚或清樓歌姬，以至販夫走卒，都擁滿清平戲院，有錢買票入場，冇錢嘅，踎門口，倚牆邊，聽下粵曲，亦一樂也！可謂貧富皆樂，貴，賤亦娛。

可惜，廿多年前，清平大戲院，不敵時代發展，由富貴聲色殿堂，降格為幽暗停車場，可謂聞者傷心，見者嘆氣。

如今，蓮花新祠堂，高叫展文創，重生粵劇，化遲暮名戲院，為粵劇博物館，一可展示，粵劇文物，亦可教化，粵劇歷史，既可孕育，梨園子孫，重振地方劇種，承傳文化，產出更多「輝哥、仙姐」，亦可慰藉，迷哥迷姐。由此繁榮，文化生活。

另一方面，福隆區一帶，除了手信店，他行業不多可謂單調。若在區中，增設博物館，可謂「萬綠叢中長點紅」，迷姐遊客，看粵劇，買手信，邊逛、邊買、邊吃，眼、耳、口福之欲，皆可滿足。

既可承傳文化，「起死回生」、豐富文娛生活，發展旅遊，盤活經濟，美化舊區，如此好倡議，何樂而不為？阿茂舉埋腳，歡呼拍腳掌！

                 ‧阿茂‧