公帑如流水

管轎衙門，又被轟，唔係「英明神武」，而係一塌胡塗。 點胡塗法？篤數公話：合約疏粗，監察九流，奸商搶錢，「狼過華秀」，亂「遊車河」令客等久，大量公帑，有錢唔收，數目亂籠，百般錯漏。 以上弊端，見怪不怪，只是今回，篤數公點出，絕無冤枉，難以抵賴。 對於被「篤」，大哉轎局。當然唔敢駁阿「叔」，但「賴」性難移，當然又要做戲子。當又被笑，俗語有云，奸商奸商，若咁忠良，難道佢係你「爹娘」？ 不過，阿茂又唔係講得好「錯」，因老爺與商，好似情同父子，「老竇」叫價幾多，老爺乖乖送上，成五十億，只係首付頭一趟。銀両流長，往後陸續又送上，送餉情急，簡值仲緊張過「老板娘」！ 當然，一無是慮，做事每「撞牆」，民怨道上響，此等窩囊，若想奉祿長享？當要「妙計」張良；就係不斷送銀両，奸商如何，上下其手，為官之道，最好閉目不張，任何斥責蓋被不去想，只嘆「奶茶菠蘿油」，定必仕途長久，平步青「雲」。 篤數公，盡管明察秋毫，憻篤「癢」處，奈何大「規矩」，只要「老細」心許，庸劣懶官，別無所懼。間中篤一篤，當聽流行曲！                             ‧阿茂‧