新旅遊法出台

「十‧一國慶」，「斬客判刑」。內地「旅遊法」，「十‧一」推出，對澳影響孰「禍」?孰「福」，澳旅遊界反應，「正路者」唔驚!歪道則「眼定」。 新「旅遊法」，最大要點，「十‧一」以後，內地組團社，「出團收費；高於成本。從此「負團費」，「零團費」甚或「抵到爛團費」﹕如東北遊港、澳，三佰蚊，玩八日，食、宿、交通全包，入場費更送，不用再「發夢」! 新推出團費，港、澳一周遊，費用三、四千，唔擔心加錢，甚至小費，加遊「威尼斯」，「斗零」都唔使。 新法推出，一夜之間，團費加十至八倍!才為「正路」，「慳儉」之客，當被嚇「窒」，旅遊「黑」店，準備「執笠」。澳門旅遊業，豈非「大災難」? 旅遊業界認為﹕「唔駛咁驚」，先要看看，來澳旅客，去年二千八百萬。團客比例，約九百萬。「斬客團」，內地多，佔三、四成，約三百萬。客被「斬」，皆因「貪」，唔平唔參團，唔使錢，才報名，意為捉「鴿乸」，來到港與澳，方知被「欺詐」。當然「發爛喳」，旅遊「糾紛」，便飯常家。 新法推出，貨真價實，雖然「冇鴿乸」，亦無需「欺詐」，旅遊行正道，導遊吾「壞」腦，業界與遊客，大家都讚好。唯「失望」者，只有「貪客」與「歪導」。 旅遊業阿叔，撚鬚估計，雖少咗「貪」客，「貪」客數量，或少一、兩百萬，這批「孤寒」客，為咗「慳錢」，可改為，自由行，仍來港與澳，因為這兩地，購物與賭，仍是吸力要素。基於此，長年計數，來澳內地客，或許會減少，不會是大數。 經過數月，內地遊客，來遊港、澳，習慣付正數，自然走正路，旅遊正氣，便滿旅途。 另一邊廂，旅遊市場，重歸正路，聲譽好，客重上路，假以時日，旺勢又來到。 點解阿叔咁定?皆因近年來，內地經濟日好，正所謂「錢多身痕」，心思思，就要來港、澳，購物兼賭。財散人安樂，大包細包，買番鄉下睡大覺。 阿叔又告誡，內地出新法，影響所及，短期之內，或三、兩月，旅遊市場，或受影響，長期以往，影響不大，反讓市場，更加健康，因要行正路，不作非份想。旅遊業界，重歸正道，大道康莊。只是過去一些「歪導」，只慣「舞刀」，唔懂「正路」，就要「換換腦」!                        ‧楊正氣‧