坐輪椅遊歷 英婦感冷暖

 唔少中年人都鍾意挑戰自己，有人選擇跑馬拉松，不過嚟自英國嘅中年婦人雲耶特（GRAN VINYARD）決定以電動輪椅由英國嘅中西部黑池去到倫敦，而係呢兩個禮拜嘅旅程入面，佢就經歷唔少人間冷暖。 行得走得嘅雲耶特雖然已經有仔又有孫，但係佢依然以五十歲高齡挑戰自己，兩個禮拜之前打算坐一架電動輪椅去到倫敦，既然預先訂到酒店亦冇點做準備工夫，全身只係得部電動輪椅、電話，同埋一個洗衫袋用嚟幫輪椅電池擋雨。 點知雲耶特由黑池去到曼市之後就遭到當地嘅流氓威脅，最終佢甚至要交出電話，而佢係路程當中就試過搵唔到地方落腳，迫住要係大樹下面休息。經過兩個禮拜之後，雲耶特終於到達倫敦，可惜佢去到倫敦老家竟然冇人應門，呢個「電動輪椅旅程」認真絕對係多災多難。