學校附近開設性受酒店 品流過於複雜惹來民怨

相信任何人都唔會希望自己屋企附近會變得品流複雜，而英國東北部對衡市亦有居民反對當地一間「性愛俱樂部」營業，搞到個個居民都要喊打喊殺。 話明係「性愛俱樂部」，呢間俱樂部除會提供唔少娛樂之餘，亦會提供埋房間畀客人過夜；從呢間「性愛俱樂部」對衡市開張之後，立即就惹唔少當地居民投訴，一呢間俱樂部實太近民居，二俱樂部對面就有間新起學校，唔少居民都話要趕走對方先至安樂。 有當地居民就話，近期一入夜就會見到唔少陌生情侶附近出出入入，而且如果住「性愛俱樂部」入面情侶 一冇閂好門窗，當地居民就會聽到各種「激戰聲音」，令到唔少上年紀老人家都開始埋怨當地政府亂咁發牌。 事後對衡市政府就話，發牌之前並唔知道呢間「性愛俱樂部」對面就有間學校。 話晒呢間學校都係起好冇耐，未搞清楚都可以話係情有可原，不過當地居民肯定唔係近年先至搬到附近，當地政府咁都發牌，睇怕都幾難解到畫。