港澳「疫苗氣泡」又遇阻滯

【正視聽】「疫苗氣泡」嘅概念已經係全球大趨勢，現時各國都爭分奪秒開展疫苗接種計劃，評估疫苗接種率越高嘅地區，越有條件儘早恢復經濟及社會活動，不論喺外地，中港澳如是。截至本月23日中午，香港接種首劑新冠疫苗嘅人數已經突破200萬，香港已連續15天本地“零確診”。港澳政府已正商討兩地嘅通關安排，可惜昨(23日)香港增一本地初步確診病例，或中止連續16天本地“零確診”。

港澳兩地政府早前曾經接觸，商討若香港連續14日冇本地個案，可以研究放寬出入境，但當市民一度以為通關可期待嘅時候，澳門政府方面日前又突然將磋商門檻調升至28日，相信調升通關門檻係因為兩地政府需要商討出入境新安排嘅問題。有香港立法議員稱，澳門政府將「清零」日期由14日倍增至28日對此感到失望，認為喱個應該係兩地政府嘅共識，希望唔會再有變化，望日後兩地每日可有至少五千人過關嘅合理水平。

港澳希望恢復正常通關，係兩地市民共同願望，但部份政商對問題睇法卻唔一致。摩根大通就認爲，就通關條件限制下，對澳門七、八月賭收其實幫助唔大，瑞信亦預期通關就只能夠對賭收大約有10至15個%嘅貢獻，意義唔大。另外對於今個月嘅澳門賭收預測方面，花旗就認爲受近期廣東疫情影響，將六月嘅賭收預測有70億降至65億，至於今年全年賭收，摩根大通預測將會下調5個百分點，即2019年同期嘅42%，即係只有1228億，少過澳門政府估計嘅千三億。

筆者認為，為咗經濟，澳門其實都好希望同香港早日通關，原因香港人嚟澳門，可以幫助刺激賭收之餘，亦可以舒緩吓澳門經濟。但賀特首可能唔係咁諗，可能佢認為病毒非同小可，暫以疫情為重，又因現時港府現正推行放寛外防等危險訊號，睇落好似有D「老危」，萬一走漏了一個個案，澳門就會前功盡廢，所以賀特首還是將澳門市民嘅健康保障放首位。

還記得當日，香港政府通知都冇聲，就即時停船兼封碼頭，直頭當澳門冇到。講到呢樣嘢，相信澳門政府方面冇咁小氣，唔會計較。最近有香港網民更在網上讚揚澳門特首賀一誠嘅做法，稱比香港做得好，認為賀生愛民守關、順民意、紓民困，跑贏香港成條街。仲話誠哥的確愛護自己嘅公民，佢點只贏一成，直頭贏足九條街咁話…..。

>>東戈