視聽行業迎來新契機

【正視聽】最近網路視聽界有件大事，第12屆中國網路視聽大會於日前(3月27日)在成都正式開幕！呢個大會由國家廣播電視總局同四川省人民政府主辦，規格超高，規模超大，喺網路視聽行業嘅地位，就好似武林大會咁，各路英雄好漢都齊聚一堂，影響力十足！筆者有幸跟隨澳門網絡視聽協會到成都參加今次盛會。

今次大會主題系“極視聽·強賦能”，當中包括有開幕式、主論壇、企業座談會同新技術與精品內容體驗展4場重點活動，仲聚焦AIGC、“微短劇+”、青年成長、國際傳播、產業賦能等5個行業熱點領域，又辦咗多主題論壇同配套活動。嚟自有關主管部門、互聯網平臺、廣播電視機構、內容製作發行機構、MCN機構、高校科研單位、數位文創企業、通信運營商、新聞媒體、社團組織嘅逾萬名嘉賓嚟報名參會，參會機構總數近4500家，真系熱鬧非凡。

開幕式上，亮點一個接一個。中央宣傳部副部長，國家廣播電視總局黨組書記、局長曹淑敏，四川省委副書記、省長施小琳都出席開幕式仲發表咗致辭。大佬們都強調網路視聽行業要堅持守正創新，推動高品質發展。而且仲啟動發佈咗“視聽賦能 科普未來”知識就是力量科普視聽行動、2025全國視聽文藝進校園活動、2025年“視聽中國 全球播映”活動、網路視聽精品扶持專項基金、網路視聽助力中國品牌日活動合作計劃。來自世界各國嘅網路達人同中國藝術家一齊唱中國經典影視金曲，現場氣氛嗨到極點。

呢個大會對網路視聽行業嘅作用同實際意義重大到冇朋友。從行業發展角度講，為業內人士提供咗一個交流合作嘅超棒平臺。大家可以喺呢度分享經驗、探討趨勢、交換意見，對推動整個行業發展好有幫助。好似AIGC技術，最近幾年發展迅猛，對網路視聽行業影響深遠。大會設置咗好多AIGC專題論壇，大家可以深入交流AI生成內容喺影視創作、虛擬場景構建、數位人應用等領域嘅實踐，展示基於大模型嘅智慧客服、元宇宙生產基座、AI語音創作平臺等前沿技術，呢就為行業發展提供咗新思路同新方向。

對於精品創作，大會舉辦精品創作論壇、新技術與精品內容體驗展等，分享精品視聽作品創作經驗，宣傳推介重點微短劇創作專案，進一步強化網路視聽精品意識，鼓勵大家創作更多優質內容。

國際傳播方面，大會聚焦走出去、請進來，圍繞AI賦能國際傳播、國產動畫出海、跨文化敘事等議題設置論壇，探討中國視聽內容嘅全球化路徑，通過熊貓文化系列活動等打造沉浸式文化體驗，增強中國文化嘅國際傳播力同影響力，讓中國嘅網路視聽作品走向世界。

再講講產業賦能，大會更加關注“視聽賦能千行百業”，通過舉辦全國網路視聽產業推介會，啟動網路視聽賦能國貨品牌計劃等，進一步發揮大會推動行業發展嘅平臺作用同實效性，促進網路視聽與其他產業融合，創造更多商業機會同社會價值。

第十二屆中國網路視聽大會為網路視聽行業注入咗新活力，指明咗新方向。相信未來，網路視聽行業喺呢啲交流合作同創新探索下，肯定會越來越好，為我們帶來更多精彩嘅視聽內容同全新嘅體驗。就讓我們一起拭目以待啦！

記者:魯蓬