鑽地龍又起烽煙

蓮花地，『鑽地龍」，又起風波，議事堂，眾高人，連番發炮，大老爺，究竟點搞？

老爺狡賴，避無可避，強詞奪理，「對得住」蟻民？

高人責鬧，如機關炮，鑽地龍，虛耗十年，預算狂飆，到如今，計劃仍無全，更改如閃電，工程百病生，進度無章法，總預算如何？何時有結果？仍不敢講清？這鑽地龍，能起解交通困境之功，還是借題「掠水之龍」？

可笑的是，大老爺，左閃右避，仍難說清，顧左右而言他，也難解清話，避無可避，索性發「爛渣」，盡管一塌胡塗，亦對得住蟻民咁話！

道理其實，一字咁淺，就係觀點與角度不同之別，高人問嘅，係蟻民之所惑? 老爺諗嘅，係權貴之所想。

高人鬧，老爺冇前瞻，幼稚過細路，重嘥咗十年，對於正常人，當然鬧得啱。但係對於蓮花老爺，似乎又苛責喇，因為有啲老爺，佢哋諗慣嘅，係點樣去使錢，使得越多，越係「好」官，對於「前瞻」，望到眼眉毛，就已經「好遠」，每人不同，不能「強勉」，鬧佢嘥「銀両」，就唔係咁想。幾多至夠？則要視乎，權貴胃口 。

至於總計劃，加埋封頂數，當不能講清，咁早話你知，就搵少銀紙。一句講晒，蟻民認為，「鑽地龍」，係交通工具，權貴則諗，係「生財」工具至啱，反正祠堂水浸，不防慢慢「搵銀」，話之你，等到失魂！

‧阿茂‧