兩馬失禮

無巧不成話，祠堂兩個「馬」，做嘢差上差，成日講大話，既失禮全球，又出醜自家，兩難兄難弟，大馬也知「衰」，唔敢自吹擂，細馬之馬交，更花埋公帑，自己面「貼花」！

呢排世情，認真頭擰。大馬唔見機，唔知邊度飛。祠堂眾將官，講嘢亂咁搬，一時話飛東，眨眼水講西，熱心助尋者，真畀佢激「死」！

大馬嘅「老爺」，出名唔做嘢，勉強做少少，被天下貽笑，早已臭名揚，「政績」不堪想？

細馬嘅馬交，祠堂常被鬧。做官多瞓覺，花費精取巧。做事多糊塗，佳績就難交。正事必拖拉 ，良機每錯過。好事變壞事，蟻民多心知。

大、細兩祠堂，有共同點，官僚多失信，最喜加薪津。政績則莫論。

兩個「馬」祠堂，最近皆聞名，大馬失飛機，官僚作「故仔」，謠言滿天飛，往後露鐵証，庸官還「死頂」，出醜天下人，掀世人怒憤。官僚稍宣布，急急便走人。更怕被人問。誠信自掃地，失盡天下心。

馬交小祠堂，出醜自家人，一椿「危樓」事，拖拉「遊花園」，誤事更惱人。尊者「下巴輕」，礕願又誓神 ，滿口多承諾，年多不成真 。苦主感受騙，瞓街來訴苦，力數官醜行。

官僚自暴醜，卻不找錯因，兼亡羊補牢 。改進利市民，反其道行之，急塗脂抹粉，更花費公帑，自話說廣告，詭辯騙世人。狡辯騙世詞，與苦主所訴，大相徑庭分。

庸官既無能，也應懂自身，昏懶不作為，已激民怨憤，更花費公帑，為劣行「貼金」，實罪加一等。北大人有知，應降罪昏君！

‧阿茂‧