提高效‧莫妄想

財爺呻出口，澳經濟低迷，多數字退縮，短期難好睇。祠堂各衙門，作風應「改款」，提升執行率，落實各工程，莫再亂咁「洗」。

財爺與商家，開會談經濟，講到近一年，確實好「閉翳」，各項之數據，出口及遊客，博彩和商貿，市況皆不濟。展望新一年，情況也難睇。勉勵眾商家，經濟調整期，面對各困難，也應提士氣。提升滿活力，樂觀對難題!

請到「大祠堂」，財爺更鼓勵，各大小公僕，應嚴格自身，工作要實際，既精兵簡政，公帑莫亂「洗」，「送服務上門」，工作要「仔細」。跨部門合作，行政莫獨作!

講到官入息，博彩收乏力。要量入為出，加強執行率。行事要慳儉，投資防風險，勿忘推經濟，拉動車上軌。

財爺多呼籲，句句為真言，其中有兩項，優質與省錢，對於官來說，確實最關鍵。

回顧多年來，衙門之表現，每多好唔掂，效率既奇低，卻瘋狂散錢，輕軌大碼頭，大小之「調研」，花錢如流水，成效卻難見。

尤其工程界，既賠了夫人，惹官非上身。官家當老襯，蟻民卻遺恨，公務之進展，似有又難見，一個小項目，動輒幹數年，「長命」之輕軌，更不知何日，與蟻民見面。

雖然大司長，殿堂說口響，自從佢揸FIT，多項之進展，已漸可眼見，蟻民則傻問，新司長上場，略聞鑼鼓響，稍見塵土揚，但祠堂律例，久遠已成規，公僕同一班，不同阿頭上，表現不一樣，蓮花大祠堂，究竟屬「陽光」?還是暗陋巷? 人治或法治? 真匪夷所思!

阿茂則認為，財爺之「暇想」，不外乎兩樣，慳錢與高效，應為高理想，但長期以來，蓮花僕表現，慳錢還可以，只需重責杖，若要提高效，則請莫妄想。

‧阿茂‧