武林大會搞旺經濟 全民受惠

旅文司，又爆料，今年夏，展「拳腳」，開武林盛會，演武功，較拳藝，又有嘢睇，舞龍舞獅，功夫大巡遊，搞到嘉年華，咁好睇!

這個主意，認真好計，既有硬橋硬馬，武林真功，亦有宗師獻藝，老師傅耍拳俾你睇，亦有龍虎武師，金龍醒獅，高蹻採青，飛撲翻滾，盡展中華絕技，讓你看得咬牙又肉緊，既愛看，又不忍，如廝感受，世間難尋。

大司長又話，今次武林勝會，不單止，宣揚國術，弘昌武德，宣耀國粹，頌傳中華文化，更可掀起習武之風，讓市民身強力壯，增強素質，可以話，舉辦武林大會，一拳打出，一舉數得，體育、文化、健康、醫療更而旅遊及經濟，皆獲裨益。

有武者問? 咁比武係真打定係玩吓架!? 大司長斬釘截鐵之回覆，當然係拳拳到肉，由國際搏擊大賽名宿作裁判。有得獎架!

聽到真拳實力，聽眾又唔使即刻驚到鼻哥窿都冇肉，大會其間，亦有講文之時刻，便是邀請各地武林名師，設壇講武，各種套路，拳腳技法，功夫招式，武林名史，名師野史，亦莊亦諧，交相講授，總的一句，武林大會，非只注重，拳腳硬功，精氣神韌，內家功法，武德哲理，也傳奇中!

既然武林大會，咁多內容，亦在暑假，開幕於八月中，正好合家歡，渡暑假，一連多天，適逢盛會，將必蜂湧，旺個滿堂紅。

生意人，即會意，暑假大旺場，旅遊引客流，盛會駐人流，嘉年華盛會，必然引笑口，練過功夫仔，自然壯身體，翌年再舉辦，遊客再度嚟，盛會陸續上，節目逐改進，去蕪亦存菁，武林大盛會，優秀好節目! 品牌建起嚟。

樂觀賜提議，建立好品牌，規模不斷開，全城動起來，萬人齊練武，浩瀚大場面，「賓墟」咁陣容，拍成紀錄片，申報健力士，贏世界之最，打造休閒城，旅遊之中心，目標將更近! 旅遊與經濟，再度齊受惠，閤澳之居民，大家皆歡喜!

‧揚善行‧