立會辯論的士修章 議員關心連坐問題

【本報報】政府準備修訂《的士規章》。車主可能因司機多次違法而受罰，永久牌 (冇年期) 的士可能因政府持續推出有年期的士而不斷跌價。昨日，梁安琪、鄭安庭、高開賢、徐偉坤、劉永誠等議員也關心和提出以上問題。

對於政府有意立法規定，的士司機多次違法後，相關車主都要受到牽連。間選議員崔世平表示，車主與司機的確存在關係。不過，他說：「車主有冇能力管控司機？呢個係關鍵。用中國傳統的子債父還，合唔合理？因為，事實上，老豆管唔到個仔，事實上，個仔同老豆有很密切關係。」

崔世平又認為，若因「連坐」而扣留的士，在道路上經營的的士數量便減少，將令緊張情況加劇。並說：「人 (司機) 應該被罰。但係架車唔應該被罰，市民、旅客不應該被罰，全部都係無辜嘅。」他也提出「得意的邏輯」：「連坐」可能出現反效果，可能令更多司機違法，因為，的士數量少了，議價能力便強了。

官委議員馮志強也認為「連坐」沒有道理，他向著列席立法會的治安警察局局長梁文昌說：「好多差佬都會醉駕，唔通你要坐監？你管理不善，係唔係要問責？」對於政府近年持續推出八年期的的士牌照，馮志強表示，為了八年內回本，租金便相應上升。並提出，司機接送客人到某類場所，可即時收到三百元佣金，司機怎會不揀客？續說：「呢啲 (某類場所) 個個都知，係男人都知。」

直選議員陳美儀表示，政府已明確 Uber 在澳門屬於違法。然而，Uber 的人士如同合法的樣子，早前堂而皇之地把一班人的簽名遞交到交通運輸工務司司長辦公室。「呢啲咁嘅行為係唔係有組織犯罪呢？」陳美儀又提出：將來是否人多，就可以迫使政府把不合法的行為定性為合法呢？

間選議員陳亦立曾與永久牌的士 (冇年期) 的車主團體見面，他轉達，那些車主擔心，政府不斷推出八年期的士，以及稍後有電召的士，卻不贖回永久牌，他們便會被「陰乾」。直選議員施家倫也反映，政府準備的士去投資化，永久牌車主「食唔安、去唔落、?唔著」。