用公帑告市民 世界奇聞

蓮花地，百歲唔死，都聽到好多奇聞。好似大法師太，早排拋出，驚世秘笈，「公差告民」，搞到蓮花地，沙塵滾滾，蟻民心震，幾乎成為，世界新聞。 話說蓮花地啲官，吾知係咪真係咁好學，但係又好學唔學，居然學埋阿茂做餅，冇嗰樣做嗰樣，居然整咗嗰「官告民」獨門大法出嚟，嗰包裝雖然好似又幾靚，話為咗保障啲官差嘅尊嚴、安全同名譽咁話，阿「蛇」嬲起上嚟，分分鐘 ，告到啲「不敬」嘅蟻民飛起。皆因獨門大法話因公差擊鼓告狀，由太公祠堂，俾銀兩阿金牙大狀，公差一個仙都唔駛畀，只係印印腳，睇吓你班蟻民，點樣俾告死。 「獨門大法」一拋出嚟，嚇到全城震晒，重利害過海地地震，蟻民當然嚇到聲到唔敢聲，連啲時聞佬，更加嚇到面壁呻吟，有啲重話從此收聲，告老還鄉咁話，有啲就鬧通街。阿茂可惜吾認識做市場調查，唔知近排啲藥材舖 ，係咪賣多咗好多驚風散同保嬰丹，如果查到啲實際數字，咁就証據確鑿，計出啲「獨門大法」嘅「震盪指數，係幾威嘞。 另一邊廂，阿茂又諗穿嗰頭，都諗唔通，點解啲蓮花公差，咁緊張啲「聲譽受損」。搞到咁「惡」，整出個「毒」門大法出嚟告人，開天地之先河，成華夏之「翹楚」？ 咁啱桂枝埠又選靚女，阿茂睇靚女之餘，忽然又想出一個問題。 例如蓮花地啲公差哥哥姐姐，自認美貌與智慧兼得，走去參加選美，結果名落孫山，慘淡收場，咁啱又得咁橋，俾人「彈」「樣衰」低Ｂ。 蓮花公差更加火滾，由於佢地係代表蓮花地去鬥靚，當然執行「公職」，因公「奉獻」，被「彈」「名譽受損」，當然係「極大損失」，若果「獨門大法」成為皇榜，當然就可以「執法」，「奉旨」狀告「刁民」，成者可得「賠償」，輸咗由「太公」俾銀兩，呢條「獨門大法」，有百利而無一害，可謂保障十足，點解唔可以有風馳盡里也，有法唔告，先至係「低Ｂ」者。 不過，阿茂發夢嗰陣，又夢遊到去陝西，夢見中華第一女皇，武則天嗰陵墓，則天一介女流，卻在千古雄猛帝君中，創出成就，千秋功業，令群雄翹首，但女皇陵墓，卻立無字碑，對己功業，隻字不提，任由後人評說，何等胸懷，此乃偉人，相對於屢出醜聞，窩囊庸昏之其他小人，功業氣量，更顯超人。 阿茂夢醒，又發奇想，一些貪腐小人，對己之過，不思改進，對於忠言，反覺逆耳，尋且千方，百計打擊，正好應了千古名言，唯女子與?人難養也，（註天氣報告，由於陰風惡浪迫近，雖然報告可能將有陽光，為免陰風浪無辜襲擊，為了安全與尊嚴，名言中內的什麼人，暫時留空，因有些人有兩個口 ，待陰風惡浪過後，再作澄清  阿茂啟）                                  阿茂