欽天監發奮圖強

「鮎魚」「游」近，人心震騰，這一世紀「重磅」颱風，卻脅得澳官「發奮」，可說稱「幸」。 「鮎魚」特點，有如近日蓮花地天氣，陰雲陣陣，門外徘徊，行蹤飄忽，功力強勁，又似殺氣騰騰，全城父老，大多擔心。 就在這個陰暗日子，突然殺出一個「高人」，打鑼響鼓，敬告鄉親，分析大勢，建議對策，應付「風神」。觀其目的，旗幟鮮明，本官真心，服務人群。 這位「高人」，何方神聖？欽天監大人是也！因何如此賣力，身先士卒，服務鄉親？若然諗番前塵，欽天監庸官，遇到頃「江」暴雨，仍方寸大亂，只顧「推手」，嘆其「奶茶菠蘿油」，延誤「打鑼」，累到街坊父老，淋到似「狗」，全城「媽」聲四起，亦罵到欽天監班「窩囊」，狗血淋頭。 可憐欽天監大人，孭鑊上心口，更要走出街頭，向父老下禮，更創出「窩囊」「騎呢」「理由」，真係笑大人個口。 正所謂，唔怕唔知錯，最怕唔認錯，經此一役，深知教訓，欽天監大人，今回認真發奮「做人」。強颱風未臨，已走出衙門，警告父老，防患未然，百般賣力，顯出真心。 這一「表演」，雖有「騷」味，但無論如何，亦顯示出，欽天監大人，想做個好官，服務黎民。正所謂，人誰無錯，知錯能改，善莫大賢。欽天監衙門過去之過失，與蓮花地其他衙門相比，亦並不出奇。然欽天監大人之表現，將功補過，亦算勇夫，可作好人。這一範例，相映眾官，可激勵人。 阿茂認為，若蓮花地，欲照陽光，對清勤正官，多加獎勵，獎勤罰懶，儆惡懲奸，正氣之風，方可勁吹官場，風力強勁，勝過「鮎魚」，黎民讚譽。 ‧阿茂‧