撤專道下層走公交即可

管轎衙門，又想搞作，「未雨綢繆，若果塞橋，將出新「橋」。想通底蘊，又是「捉虫後遺症」。 點解會咁諗？又點解會咁講？皆因早一排，兩條大橋，同出「意外」，搞出大塞轎，兩島交通，幾乎癱瘓，嗰一啲轎伕，由蓮花地，「媽」到去水潭仔。俾鬧到好似隻「狗」咁款，等到好天，先走番出嚟，同啲父老「解話」。 一講又「石破天驚」，好似又係「絕世好轎」，咁款，轎老爺話：嗰次真係不幸兼巧合。幾乎俾百年一遇咁滯，宜家本衙獻出新猷，若果將來又係咁不幸，就會即刻開番條「西洋鬼」老橋，俾私家轎享用。若果都唔夠，重會揭開神秘面紗，俾埋雙層橋樓下俾父老行，唔會淨係「養在深閨人未識」咁浪費。 對於呢條「絕世好橋」。當然又有人大拍手掌！？但係轎伕眼仔一碌，又媽聲四起！ 點解?─父老問，點解三條橋，過去好暢通，冇乜問題，近來俾轎老爺管咗幾次，就經常塞轎？無他，因為「弱智捉虫」者也， 早幾年，管轎衙門突然命令「西洋鬼」老橋，定為公共轎專用官橋，其他轎，一律吾准過，理由話「老橋」已「老」，要保護，唔好俾「重」轎行咁多。結果，加重咗兩旁之橋嘅負擔，逐漸兩旁之橋，偶現塞轎，後，老爺又在西灣橋上削一邊，用作電單轎「專道」，將西橋面搞得擠上加窄。塞轎現象，變成「家常」。另一邊廂，樓下橋，卻冷清清。經常上演樓上塞到爆，樓下孤令令怪象。終於爆出兩橋皆塞死惡禍。 這就是蓮花轎老爺「睿智」之結果!因闊路變窄路，通衢變塞道，就是蓮花轎老爺常獻「德政」！ 轎伕一語中的：若轎老爺所說「理據」充分，「西洋鬼」老爺行電單轎，以保護其「老」，西灣橋，拆掉「專道」，恢復寬橋面，下層橋走公交及官轎專道，則既可保「老橋」，公車行專道，充分善用資源。各橋通暢，蟻民拍掌，道理一字咁淺，唔怕實踐檢驗！                                        ‧阿茂‧