抽中政府屋都唔高興

蓮花地，奇聞怪事經常起，百歲唔死也笑死。有人抽中政府屋，意然大肆「訴苦」，重去尊者個衙堂擊鼓鳴冤。你話幾咁出奇!?

呢單「奇案」真係好離奇，話說阿師奶行運行到腳趾公，才中抽一，抽中咗政府屋，本來咁「幸福」，好應該劏雞還神，謝天神地至係，點知師奶收到將「稟」，唔單止「揤都唔笑」，仲苦瓜肝咁面口，成口「鞋‧鞋」聲，好似六月飛霜咁大冤情。

禽日師奶仲忍唔住，走去尊者個衙門，實行擊鼓鳴冤，猛哎尊者為民呻冤咁話!搞到D內待臣慌忙應駕，袍歪烏紗斜，細看呻冤狀辭。

原內呢單野內有乾坤，話說阿師奶一家四口，遮頭無無瓦，早年有巢乘衙門話有屋仔拌公，要「入稟」計分，等精算師計啱條數，仲要等夠日子，對埋八字，先至賣間摩登茅遼俾你遮頭。

本來啲「正苦屋」律例咁刁鑽，真係中六合彩D機會仲高過佢，但係上帝就係咁鍾意整古人，咁啱有巢氏衙門班老爺悶到發慌，又學阿茂做餅，冇個樣整個樣，無啦啦發明咗抽籤」撞手神，「撞中有屋瞓」嗰怪招出嚟。

點知又咁啱得咁橋，又俾師奶抽中，今回真有「正苦屋」令到阿師奶「苦上加苦」，師奶揸住張「稟」講明「正苦屋」一房一廳，「豆腐潤」叫細，家中上有高堂，愛女連自己，四個人，住一房，想做「人肉沙甸魚」?加上女兒，花樣扶華，焗困小室，有歪倫常也!

諗來諗去，輾轉難眠，師奶虛火上，怒火中燒，大冤情也!馬上擊鼓鳴冤，好戲上場，呢回要睇吓「正苦」點解話嘞!?

呢單嘢，本來好濕碎，最敝就係有巢代D老爺，學D唔學D，既然學六合彩抽獎，點解填份稟唔學六合彩咁簡單呀!?

‧阿茂‧