環保要務實不務虛

乾淨衙門，日前又開檔，請埋街坊，系個墟度，話要聽父老講講，出謀獻策，點樣整乾淨D蓮花地。衙門先介紹，宏圖大計，千條万緒，步步慢慢嚟。 老爺講到，色舞眉飛，街坊父老，聽到鬼咁歡喜，阿茂開心到暈，但想深一層，老爺唧大計，雖然幾好睇，但嫌架床叠屋，需時太久，若按佢嘅時間表，可能少年都變白頭。 乾淨衙門話，佢哋設想，將來好鬼靚，但要多步走，先行聽諮詢，慢慢再研究，再訂立法規，設立各機制，實行試驗後，廢物、水回收，研究得成果，將來再推廣……。 阿茂讚老爺，個腦想的靚，亦放下尊駕，垂詢耳向下。環保唧問題，非一地專有，各地相類似，經驗借用收，涉及高科技，專家更加好，看鄰埠桂枝，官得專家意迅即推借施，鼓勵駕駛者，駛車少用油，全城之空氣，質量向上走。 講到要節能，不少大樓中，燈亮人卻空，若改自動制，人去燈自熄，年中所省電，電廠減排煙，環境少污染。 若說到歐、美，龍故鄉亦然，發展太陽能，不少樓房頂，甚或電燈柱，多裝太陽板，取天然能源，節能又環保，一舉便數得，何樂而不為。 以上各例子，無需久研究，亦无須做『騷』，只要做實事，即立竿見影，官、民皆受益，實例不難觀，僅放眼即視。若真心環保，坐言起行好！ 阿 茂