錢當可派 惟可更佳

      一年一度，祠堂派錢，今年金額，又八千元。有人鼓掌，有人又鬧，追唔上通脹。阿茂又整餅，錢當然可以派，可想好法子，令效果更佳。

     講到「派錢」，有人話係派「糖」，亦有人講係「止痛餅」，更有人話係「贖罪劵」。派錢之源，起於「勾銀虫」事件。無論講乜嘢「名」，最終目的，講得好吓啲，係「分享社會發展經濟成果。」，唔好聽嘅，就係「塞住你把口」，唔好鬧得咁難聽。疏疏「怨」氣也。

      先講「分享經濟發展成果，其實社會經濟發展，最先得益嘅，就係班上層權貴，早已飲飽「肥仔水」，甚至唔小飲到「糖尿病」咁滯，區區分得幾千銀，足如「大炮馮」話談，都唔夠「玩兩舖」。派錢俾佢，簡直多餘。連去攞都浪費佢啲寶貴時間。

     對於社會中層，好似局長仔及同小老闆之類，「八面銀」，做薑唔辣，做醋唔酸，好似雞肋「正所謂「食之無味，棄之可惜」，反正買多個手袋或者做多次「菲素」，或者去多次旅行都好，當然吾會「拒絕」咁「失禮」者。

      至於低下層，上有高堂，仔女成行嘅「貧賤夫妻」，八千銀，真係「及時兩」，潤澤萬民，「打救眾生」。

    派咗幾件，蓮花地嘅變化係﹕通脹一年超一年，連花人被人譏笑「錢多人傻」，競爭力，不斷退縮，年青人，日多「啪丸」，低下一線，仍叫苦連天。

      繼續派下去，效果會更佳?阿茂高呼，削高補低，集中資源，搞好住屋、交通、教育、養育好人才，提競爭力，方為上算︿始可持續發展!錢不怕派，最重要者，善用資源!

     ‧阿茂‧