衛生局跟進 女子疑分娩體內存留異物

【特訊】衛生局就一名市民於網絡交友平台上載圖文，反映懷疑在仁伯爵綜合醫院分娩過程中有異物存留體內的事件，表示高度關注並隨即與該名市民取得聯系。經與其溝通及同意下，仁伯爵綜合醫院將再為她作詳細檢查，以排除身體再有不適。衛生局表示，目前首要關注的是該名市民的身體狀況，此外，亦已就事件展開內部調查。 以下為一名剛產子婦人在社交網站上的留言「話說8月24日早上8：26分在山頂順產生完仔，一直都坐唔到，瞓又唔好，行又辛苦，以為係傷口痛先至咁，8月26早上我同bb都檢查完，已經叫我同bb出得院，返到屋企仲係好唔舒服，連去廁所大小便都去唔到好辛苦，之後就上返山頂睇婦科急診，醫生睇完話無事可能發炎開咗消炎藥同支痔瘡藥廁畀我，係今晚8月28日凌晨3：00我再努力去多次廁所，突然有嘢係陰道口流出，原來係舊超大棉花，重有惡臭味，當時我成個人舒服曬，舊棉花足足放咗係我身體咁耐，阻住我尿道和肛門排泄，重壓住咗個傷口，怪唔之得發炎同咁辛苦……」