梁安琪：反自由行不理智

【本報訊】農曆新年旅客再增，迫爆旺區，市民怨聲載道，澳博常務董事兼立法會直選議員梁安琪則另有看法，直言十分喜歡人多車多，「點解唔鍾意一個繁榮的地方」，並認為反對自由行者是很不理智。

在農曆新年初一至初七期間，

本澳錄得一百○五萬四千一百八十

三入境人次，較去年同期增一成三

，當中超過七十七萬人次為內地旅客，增幅達百分之廿三。當中自由行的佔一大部份。

冇自由行就冇今日

梁安琪昨受訪時主動提到，自由行是國家在港澳當年經濟低落時給出的優惠政策，兩地才有今天，「如果唔係（自由行），有冇今日的經濟繁榮？我們社會福利有冇咁好？大家要倒返轉頭諗一諗」，「依家咁多人反對（自由行）呢樣?，我就覺得真係一個好唔理智的諗法！」

教傳媒籲市民善待陸客

被問到是否覺得現時旅客不算太多，梁安琪未有正面回應，只是反問：「我想問你點解會問我這個問題，你作為一個記者，係應該呼籲我們的市民，係友善、禮待來旅遊的同胞。」

對於現時許多市民覺得旅客已多到令行街很迫、搭不了車，梁安琪則笑著反問：「係米冇人個時好呢？我見有好多城市無人去，拿支機關槍出嚟掃都掃唔到人的地方，係米想咁樣呢？啱唔啱呀！」

繁榮才有好將來

梁安琪續謂：「其實個個人的要求都唔一樣，我自己本人就好鍾意那些地方係人多車多、車水馬龍，這係我鍾意的，我唔可以話代表所有的市民，（但）點解你唔鍾意一個繁榮的地方呢？你有這個繁榮，你先有好的經濟，你先有好的收入，你先有好的將來！」

梁認為，澳門人應珍惜今天小城的地位和發展勢頭，不要忘本，要和諧、共同去發展。