茂論成本價

阿茂日昨，大發口痕，講啲經屋，價高太狠。夾心蟻民，望屋搥心。口痕友又話，經屋價咁高，將來想賣屋，屋價又要補。認真唔著數。 阿茂雖然一把年紀，唔係「細路」，亦想試做蓮花法官，主持公道。宜家「貴」、「平」雙方，各執一詞，究竟邊嗰，先至係啱?擺開道理，便會知道。 首先，話經屋「平」者，係「炒字幫」同權貴，佢地攤開條數，話經屋訂價，平過私樓，一半有多，真係好似，買雞乸送埋雞公咁話，佢哋重發明，好動聽名詞，經屋售價，跟購買能力也! 聽到呢句話，阿茂大為感動，幾乎熱淚盈眶，因為呢句感人肺腑話，顯示官家，「就」住蟻民荷包嚟訂價，真係天下父母官，愛民如子也! 但係，泥水佬又開口大罵，啲屋成本，廿萬唔使啫，使乜賣咁貴!一語道破，官家暴利，竟然好過，去放貴利! 蟻民應聲罵，經屋訂價，應按成本，公僕係做官，吾係做商家，唔弋人4賺暴利。坊貧嚟濟富，讓民買平屋，將來若轉售，利潤福利也。 各方展立場，阿茂又猛想，雙方論據，都講得口響，各理據內藏，通過經屋，謀取私慾，皆不妥當。 阿茂細想，建經屋原意，為一福利，官家建平屋，讓「夾心」上樓，安穩瓦遮頭，價錢應盡平，讓更多「夾心」，解決居問題，「夾心」安心後，將來發咗達，賣屋轉豪宅，經屋賣回頭，由官家接手，售屋之利益，不應再欲謀。因住平屋利，早已經享受。 另一方面，公僕之責，為「主」謀福，建得平屋，利為「主」享，經屋售價，不應謀利。將來購回屋，可轉為社屋。 若此「茂」論，各方認同，經屋訂價，應接成本，買、賣雙利，皆應謀利。 ‧阿茂‧