留抑不留？

呢一排，蓮花地，嗰墟度，好鬼嘈，嘈乜野?過江秀才，應否留下，為蓮花地獻才? 師奶話，梗係唔好啦，佢個仔好快考鄉試，他日金榜題名，做番過官仔，或者係吉祥賭坊，做番個荷官，果陣就家肥屋潤，光宗耀祖咁話! 阿圓外講法又吾同，佢話啲過江秀才過江秀才，生長係海外，嚟蓮花地浸番啲鹹淡水，他日打出本人巷，佢哋嘅「質地」重好過本地。既係「入口貨」，又係「本地薑」，家鄉嘅鄉規，同本地嘅慣例，佢哋都有齊，譎佢做伙計，老熱覺「好抵」。點會話唔制。龍門客棧嗰老闆亦讚話，依家蓮花地，做大生意多只係兩瓣，唔係吉祥賭坊，就係龍門客棧，多數行業，都服侍啲貴人嚟玩。蛇地仔，番又唔係好夠使，「煲冬瓜」，更加似薨花地啲氹仔水咁，「唔鹹唔淡」，聽到啲北佬眼眨眨。如果留番啲番邦秀才或者龍之俊才，係蓮花地「幫拖」，咁發財同客棧行業，就會做得更精彩，果陣就會旺丁又財。開枝散業，大家都過來。 多仔婆最後又插咀，反對啲人真係x到心，都唔唸清楚啲利害，其實人哋生埋餉仔出嚟，供書教學，仲俾埋銀兩供個仔嚟蓮花地做嘢，正所謂唔係猛龍唔過江，多係好兒郎，蓮花地有咁多寶都唔識執，依家的後生妹又好生得咩?屁都唔識x呀!咪以為生仔好易!唔夠人做嘢係就知。 各位「看官」，嗰坦度咁多意見，要係落搥，係又想點? 阿茂當有主意，賣個關子，暫時唔講你知，等你心思思。                                                           ‧阿茂‧